د شانګهای د همکاریو سازمان غړي د افغانستان پر حالاتو خبرې کوي

ټاکل شوې چې د شانګهای د همکاریو سازمان غړي هېوادونه په خپله راروانه غونډه کې د افغانستان پر حالاتو خبرې وکړي.
د روسیې خبري اژآنس انټرفاکس وايي چې؛ د روسیه پلان لري چې، د افغانستان وضعیت په قرغزستان کې د شانګهاي د غړو هیوادونو په غونډه د بحث لپاره وړاندې کړي.

دا غونډه به نن (شنبه) پیل شي او دوې ورځې دوام کوي.
په غونډه کې به د سوریې پر حالاتو هم خبرې وشي.
روسیه، چین، قرغزستان، قزاقستان، تاجکستان او ازبکستان د شانګهاي د امنیتي همکاریو د سازمان غړي دي چې؛ په نولس سوه شپږ نویم کال کې جوړ شوی دی.