پوسټ کوډ 62049
نیټه خپرول: پنج شنبه 16 غبرګولی 139214:06

ارزګان: هوايي ترمینل او د تخنيکي او مسلکي زده کړو ښوونځی پرانیستل شول

د ?رانسپور? او هوايي چلند وزارت تخنيکي معين کپتان محمد ظاهر هم د ترمينل پر جو??دو خپله خو??

د ارزګان په مرکز ترینکوټ کې مجهز او پرمختللی هوايي ترمینل او د تخنيکي او مسلکي زده کړو ښوونځی چې د هالنډ د شاهي دولت او د جرمني د بهرنیو چارو وزرات په مالي ملاتړ جوړ شوي، پرانیستل شول.
په دې پرانیستو کې د ارزګان والي حاجي امیر محمد اخندزاده، په افغانستان کې د هالنډ سفیر هان پیټرز، د پوهنې وزارت د تخنيکي او مسلکي زده کړو معین محمد آصف ننګ، د ټرانسپورټ او هوايي چلند وزارت معین کپتان محمد ظاهر، د ارزګان دولتي چارواکو او قومي مشرانو ګډون کړی و.
هوايي ترمینل:
د ترینکوټ هوايي ترمینل د ۱۰.۸ میلیونو یورو په لګښت په لسو میاشتو کې جوړ شوی، او د جوړېدو چارې یې د جي آی زي ادارې پرغاړه وې.
د ارزګان والي حاجي امیر محمد اخندزاده د دې ترمینل پر جوړېدو خوشالي وښوده، او ویې ویل چې دا یو عام المنفعه پروژه ده او د خلګو او ولسونو د خدمت لپاره پرانیستل کیږي.
اخندزاده زیاته کړه چې په افغانستان کې د دومره ښکلي او پرمختللي ترمینل ساری نشته او هر څه یې په نړیواله کچه دي، ده د ارزګان د خلکو په استازیتوب له هالنډ، جرمني دولتونو او جي ای زي ادارې څخه مننه وکړه.
اخندزاده وویل چې هالنډ به تر یو کال پورې د ترمینل د ټولو چارو لګښتونه ورکوي ځکه چې ځايي اداره یې د ورکولو توان نه لري او همدارنګه یې پر ترانسپورټ وزارت ږغ وکړ چې سر له ننه دې د دې ترمینل د تشکیلاتو او مصارف لپاره لاس په کار شي، ده ده ترمینل لپاره د جانیټري برېښنا پر ځای د سولر هغې د تیارولو غوښتنه وکړه.
نوموړي پر خلګو ږغ وکړ چې د هوايي ترمینل او ښوونځي دواړو ساتنه ستاسو مسئولیت دی چې همداسې ښکلي او ودان یې وساتئ.
د ټرانسپورټ او هوايي چلند وزارت تخنيکي معین کپتان محمد ظاهر هم د ترمینل پر جوړېدو خپله خوښې څرګنده کړه او ویې ویل چې زموږ وزارت د ترانسپورټ اسانتیاوو په برابرولو کې خپلې ټولې هڅې کوي.
نوموړي دا د ترانسپورټ په برخه کې یو مهم پرمختګ وباله او له تمویلوونکو څخه یې مننه وکړه.
دا ترمینل د ترینکوټ د هوايي ډګر د ۱۹۷۳ کال له پلان سره سم جوړ شوی چې په یوه ساعت کې د ۱۵۰ او په ورځ کې د ۹۰۰ مسافرو د تګ راتګ وړتیا لري.
په دې پروژه کې د ترمینل تر څنګ ټولې زېربینايي چارې، ودانۍ، جنراټیري برېښنا، اوبه، امنیتي ودانۍ، د تلاشۍ اسانتیاوې او کوټې، سرک، عمومي تم ځای، د ماشومانو او ښځو تم ځای، اداري کوټې، عملیاتي کنټرول دفتر، وي آی پي تم ځای، پارکینګ او نور اړین محلقات جوړ شوي.

د تخنيکي او مسلکي زده کړو ښوونځی

د پوهنې وزارت د تخنيکي او مسلکي زده کړو معینیت، هالنډ شاهي دولت، او د جرمني د بهرنیو چارو وزارت په ګډه مرسته په ارزګان کې د تخنيکي او مسلکي زده کړو یو مجهز او پرمختللی ښوونځی د ۲۳۵۰۰۰۰ یورو په لګښت جوړ شو، چې د جوړونې چارې یې جي ای زي پرمخ وړې دي.
د تخنيکي او مسلکي زده کړو معین محمد آصف ننګ د دې ښوونځي د پرانیستې پر مهال وویل که موږ په هیواد کې انکشاف غواړو نو باید انسانان تربیه کړو، تر روزنې بله ستره سرمایه ګذاري نشته.

ننګ زیاته کړه د ترینکوټ د تخنيکي او مسلکي زده کړو د ښوونځي په پرانیستلو سره به د جهل ډېرې دروازې وتړل شي.
نوموړي په هیواد کې د پوهنې د چارو په اړه وویل، موږ په ټول هیواد کې د معارف د انکشاف لپاره د خلکو مرستې او د نړیوالو مالي تمویل ته اړتیا لرو.
ښاغلي ننګ ژمنه وکړه چې په ارزګان کې به د پوهنې په بېلا بېلو برخو کې کار او هڅه کوي.
د ارزګان والي حاجي امیر محمد اخندازه هم د یاد ښوونځي پر جوړېدا د خوښۍ د ښودلو تر څنګ په دې ولایت کې د پوهنې په برخه کې د نورو هڅو او زیار ژمنه وکړه.
یاد ښوونځی ساختماني چارو په برخه کې د پوهنې وزارت د ملي ستراتیژیک پلان سره د مرستو د لړۍ یو برخه ده.
د ارزګان د تخنيکي او مسلکي زده کړو ښوونځی، ترینکوټ ته نژدې، د ۱.۷ کیلومتر احاطوي دېوال په منځ کې جوړ شوی او د ترینکوټ او شاو خوا سیمو ۷۵۰ زده کوونکي په کې زده کړه کولای شي.

د ښوونځي ځانګړنې: 
د ۵۰۰ زده کوونکو لپاره د ښوونځي مجهزه ودانۍ، دوه مجهز ورکشاپونه
ـ د ۲۵۰ زده کوونکو لپاره بېله ودانۍ، د ورکشاپ لپاره مجهزه ودانۍ او د زراعتي زده کړو کارځای
ـ د موادو لپاره ګودامونه، او د زده کوونکو لپاره بېروني ودانۍ
ـ زېربنايي اجزاوي، لکه پیاده رو، د جنراټور کوټه او داسې نور
د ارزګان د تخنيکي او مسلکي زده کړو د ښوونځي ټولي اداري او رسمي چارې د تخنيکي او مسلکي زده کړو معینیت پر غاړه دي، د آمر، ښوونکو او نورو کارمندانو ګومارنه، له پوهنې ریاست سره اړیکې او مرسته، ښوونکو او زده کوونکو ته د بورسونو برابرول، او ټولو چارو تنظیم د معینیت په مسئولیتونو کې راځي.
افغانستان ته د هالنډ سفیر هان پیټرز په ارزګان کې د پرمختګ پر لیدو خوښې وښوده، او دا دواړې یې د اقتصادي بهبود په راوستلو کې مهمې وبللې او په دې برخه کې د ټولو د هڅو او مرستو مننه وکړه.

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement