پکتیکا: په ګډو پوځي عملیاتو کې ۱۸ تنه وسله وال وژل شوي دي

د پکتیکا چارواکي وايي، چې د دې ولایت په دروو ولسوالیو برمل، جاني خیلو او سروبي کې تیره ورځ د افغان او بهرنیو ځواکونو په عملیاتو کې ۱۸ وسله وال وژل شوي دي.

د پکتیکا ولایت مطبوعاتي دفتر څخه په خپره شوې خبرپاڼه کې راغلي؛ چې دوه نور وسله وال پرون په دې ولایت کې د ماین په چاودنه کې وژل شوي دي.

اعلامیه د پکتیکا د والي ویاند مخلص افغان له قوله زیاتوي، چې په وژل شویو کې د پولې اخوا د ملا نذیر په نامه د طالبانو د یوه قومندان اته وسله هم وال شامل دي.

خو طالب ویاند ذبیح الله مجاهد رسنیو ته د پکتیکا په ولایت کې د افغان او بهرنیو ځواکونو له خوا عملیات ردوي.