د لوګر په مرکز کې د وسلوالو په برید کې دوه پولیس ټپیان شوي دي

د لوګر چارواکي وايي، چې په مرکز پل علم کې د وسلوالو مخالفینو په یوې راکټي حملې کې دوه پولیس ټپیان شوي دي.

د لوګر د والي ویاند دین محمد درویش ازادۍ راډیو ته وویل، چې دغه راکټ نن له غرمې مخکې د لوګر د امنیې قومندانۍ له ودانۍ سره نږدې ولګیده.

ښاغلي درویش هغه راپورونه رد کړل، چې ګواکې په پل علم ښار کې د وسلوالو مخالفینو یوې ډلې حمله کړې ده.