په ټول هېواد کې د واورې د زیات ورزښت له امله ۱۲۱ کسان مړه شوي

له طبیعي پیښو سره د مبارزې اداره وايي، په تیره یوه میاشت کې په ټول هېواد کې د واورې د زیات ورزښت او برف کوچونو له امله ۱۲۱ کسان مړه او تر یو نیم سلو پورې ټپیان شوي دي.

د دې ادارې مرستیال محمد اسلم سیاس ازادۍ راډیو ته وویل، چې په دغو پیښو کې شاوخوا ۱۲۰ کورونه هم ړنګ شوي دي.

دا په داسې حال کې ده، چې د بدخشان ولایت او ځینو نورو سیمو کې اوسیدونکې وايي د واورې زیات ورښت او برفکوچونو ددوي سیمې سختې ځپلې دي.

ځپل شوي خلک له دولتې او نړېوالو موسسو شکایت لري چې پر وخت او لازمه توګه يې له دوي سره مرستې نه دي کړي.