په هلمند کې ملي پولیسو د وسلو یوه ډیپو کشف کړه

د هلمند پولیس چارواکي وايي، د دې ولايت په سنګين ولسوالۍ کې یې د وسلو یو ډیپو کشف کړی.

د هلمند امنيه قوماندان سمونوال عبدالنبي الهام رسنيو ته وويل،
په دغه ډيپو کې د راکټونو په شمول ګڼې وسلې، ماينونه او چاودېدونکي توکي شامل دي.

الهام ويلي، دغه ډيپو يې تيره شپه کشف او ترلاسه کړى دى.
قوماندان ويلي، د دغه ډيپو نه د دولت وسله والو مخاليفينو کار اخسته، خو ځيني کسان وايي، داپه هلمند کې د يوشمېر پخوانيو چارواکو نه پاته ډيپو و، چې دوسله والو په لاس ورغلی و او کله ناکله يې د وسلونه استفاده کوله.