پوسټ کوډ ۲۹۰۴۳
نیټه خپرول: يکشنبه ۲۰ سلواغه ۱۳۸۷ ۰۹:۵۸

په استراليا کې اور ۴۰ کسان وژلي دي

له تېرو دوو ورځو راپدېخوا د استراليا په ځنګلونو کې د اور له امله 40 کسان وژل شوي، تر ١٠٠ ډېر کورونه ويجاړ او پر ١٤ زره کورنيو برېښنا پرچاوه شوې ده .
اور دغه ناوړه څپه د استراليا جنوب ختيځ ته هم غځېدلې ده .

په وژل شويو کې ډېری وګړي د شمالي ښار ملبورن د کوچنيو ښارګوټو اوسېدونکي دي .

وېره دا ده که چېرې د دغه اور لمن د هېواد نورو سيمو ته وغځېږي، ښايي ډېره مرګ ژوبله رامنځ ته کړي .

په استراليا کې شاوخوا 30 زره اوروژونکي د اور په وژلو بوخت دي، ددغه اور لمن عامو باغونو او ځنګلونو ته پرمخ تلونکې ده .

په دغه هېواد کې د تودوخې درجه د تېرو دوو ورځو په اوږدو کې تر 47 پورې رسېدلې ده .

چارواکو د اور وژنې ځواک ته امر کړی چې ژر تر ژره د اور وژنې لپاره لازم تدابير په کار واچوي .

دا په داسې حال کې ده چې د ويکتوريا جون برومبي ولايت لومړي وزير د فدرالي حکومت دا غوښتنه منلې چې سيمې ته دې د اور وژنې په موخه ځواکونه ولېږدول شي.

چارواکي وايي چې د اور دغه څپه د ويکتوريا په ټول تاريخ کې ناوړه ده، چې په کې لسګونه کسانو خپل ژوند له لاسه ورکړ او کوچني ښارګوټي په بشپړ ډول ويجاړ او سوځېدلي دي .

د رپوټونو له مخې، د اور لمن اوسمهال د نيوساوت وېلز او د استراليا جنوب ته هم غځېدلې ده، چې لسګونه زره اوروژنونکي د مخنيوي هڅه کوي، خو په دغو دواړو سيمو کې د اور ډېر خطر نشته، يا خو دوی نژدې دي چې اور ووژني او يا اور له استوګنځايونو ليرې دی .

د ويلو ده چې په استراليا کې کله ناکله د اور دا ډول پېښې رامنځ ته کېږي، خو له ١٩٨٣ راوروسته دا د اور ډېره ناوړه پېښه ده .

هغه مهال د اور له امله په يوه ورځ ٧٥ کسان وژل شوي وو، چې هغه ورځ د (ييرو چهارشنبې) په نامه نومول شوې وه .

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement