پوسټ کوډ ۲۵۷۱۳۱
نیټه خپرول: چهارشنبه ۶ سلواغه ۱۴۰۰ ۱۲:۰۴

طالبان: د کابل-جلال اباد لویه لار د موټرو پرمخ پرانیستل شوه

د طالبانو حکومت د موټرو پرمخ د کابل- جلال اباد د لویې لارې د پرانېستو خبر ورکړ.

پرون سې شنبه (د سلواغې ۵مه) مازدېګر د څلورو بجو خواته د سروبي ولسوالۍ په برخه کې له غره کاڼي ښوئیدلي وو چې لاره ورسره بنده شوې وه.

د طالبانو ویاند ذبیح الله مجاهد په ټویټر کې لیکلي دي چې له څلورو ساعته هڅو وروسته دا لویه لار د شپې د اتو بجو خواته د ترافیکو پرمخ خلاصه شوه.

تردې مخکې د طالبانو فواید عامه وزارت له خلکو غوښتي و چې د دوی تر راتلونکې خبرتیا دې پر دې لاره سفر نه کوي.

تېره اوونۍ د وریښم تنګي په برخه کې له غره کاڼي پر سړک ښوی شوي وو چې یو موټر یې لاندې کړ او په کې پنځه تنو خپل ژوند له لاسه ورکړ.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement