پوسټ کوډ ۲۵۵۸۵۳
نیټه خپرول: دوشنبه ۱۳ مرغومی ۱۴۰۰ ۱۳:۵۶

د افغانیو د ترویج کمپاین کې د کرکټ د افغان ملي ټیم لوبغاړو هم برخه واخيسته

د افغانیو د ترویج او زیاتې کارونې په کمپاین کې د کرکټ د ملي ټیم لوبغاړو هم برخه اخیستې ده.

د افغانستان بانک له څو ورځو راهیسې د چارواکو، عامو خلکو او تازه د کرکټ د ملي ټیم د لوبغاړو پيغامونه خپاره کړي چې خلک د افغانۍ کارولو ته رابولي.

له دې ډلې حمید حسن وايي: "درنو هېوادوالو که د خپل هېواد سره مینه لرئ، افغانۍ وکاروئ!"

د افغانستان بانک په وینا، دا کمپاین د افغانیو د اسعارو د ودې او بقا، په لویو بازارونو کې له افغانیو سره د سوداګري او د افغانۍ د زیات کارولو په هدف ترسره کېږي.

د طالبانو حکومت په دې وروستیو کې اعلان وکړ چې په ټول افغانستان کې بهرنۍ راکړه ورکړه منع شوې ده.

څه موده وړاندې د بهرنیو اسعارو په ځانګړې توګه د ډالر پر وړاندې د افغانیو ارزښت په بې‌سارې توګه ولوېد.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement