پوسټ کوډ ۲۵۳۷۳۳
نیټه خپرول: سه شنبه ۹ لیندۍ ۱۴۰۰ ۱۰:۰۳

ډبلیو.ایچ.او: د 'اومیکرون' زیاتوالی لوی خطر لري

د روغتیا نړیوال سازمان خبرداری ورکړی چې لومړنیو شواهدو ته په کتو، د کرونا ویروس نوې بڼه د دغې وبا د زیاتوالي لوی خطر لري.

ډبلیو.ایچ.او پرون وویل، د وبا دا احتمالي ډېروالی به "جدي عواقب" ولري.

دا د ویروس د نوې بڼې په اړه چې تېره اوونۍ په جنوبي افریقا کې کشف شو، تر ټولو د لوړې کچې خبرداری دی.

د شته شواهدو له مخې ویل شوي چې اومیکرون ویروس به د بدن پر دفاعي سیسټم هم تم نه شي او ژر له یوه بل کس ته د لېږد وړ دی.

په جنوبي افریقا کې چې د ویروس همدا بڼه په کې پیدا شوې اوس په ورځني ډول لس زره کسان پرې اخته کیږي.

ډاکټرانو دغلته ویلي چې د اومیکرون ناروغان خفیفې نښې لري، خو تر ډېره هغه کسان پرې اخته شوي چې عمرونه یې د ۲۰ او ۳۰ کلونو ترمنځ دي.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement