پوسټ کوډ ۲۵۳۶۶۰
نیټه خپرول: دوشنبه ۸ لیندۍ ۱۴۰۰ ۱۰:۰۷

د تاجکستان په ګورنو بدخشان کې له مذاکراتو وروسته اعتراضونه پای ته ورسېدل

د تاجکستان په کورواکي ولایت ګورنو بدخشان کې اعتراضونه وروسته له هغې پای ­ته ورسېدل چې دولتي چارواکو د اعتراض کوونکو له استازو سره پرون د څو ساعتونو لپاره مذاکرې وکړې.

ځایي اوسېدونکو ازادي راډیو ته وویل، د مذاکرو پر مهال چارواکو د هغو اعتراض کوونکو پر خلاف د جنايي تحقیقاتو د نه‌کولو ژمنه وکړه چې د دغه کورواکي ولایت په مرکز خاروغ کې یې له تېرې پنجشنبې د دولتي ودانۍ مخې ته اعتراضونه کړي دي.

یوه فعال د نوم نه‌ښوولو په شرط له ازادي راډیو سره دا خبرې کړي، ځکه له رسنیو سره‌یې د خبرو اجازه نه‌درلوده.

په خاروغ کې اعتراضونه وروسته له هغې پیل شول چې امنیتي ځواکونو یو سړی چې د اختطاف په تور تر تعقیب لاندې و، مرګونی ټپي کړ چې وروسته‌یې ساه ورکړه.

اعتراض کوونکو تېره پنجشنبه دغه مړی د دغه ښار مرکزي میدان ته یووړ او د دې پېښې په اړه‌یې د تحقیقاتو غوښتنه وکړه.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement