پوسټ کوډ ۲۵۲۳۸۱
نیټه خپرول: سه شنبه ۱۸ لړم ۱۴۰۰ ۱۱:۲۷

نړیوال بانک: تصور نه شو کولی چې افغانستان کې به فعالیت پیل کړو

د نړیوال بانک مشر ډېوېډ ملپاس David Malpass وایي، د افغانستان د اقتصاد دړې وړې کېدو ته په پام د دې تصور نه شي کولی چې په دې هېواد کې دننه به خپل فعالیت پیل کړي.

د فرانس پرېس اژانس د راپور له مخې نوموړي پرون په واشنګټن کې د ستراتیژیکو او نړیوالو مطالعاتو په مرکز کې وویل، د دوی پر وړاندې یوه ستونزه د تادیې د سیسټم نشتوالی دی چې د ده په وینا دې هېواد ته د پیسو د لېږد مخه نیسي.

د راپور له مخې نړیوال بانک په اوس وخت کې په افغانستان کې له شلو زیاتې پراختیایي پروژې مخ ته وړي او له ۲۰۰۲ میلادي کال راهیسې یې له دې هېواد سره د ۵،۳ میلیارډه ډالرو مرسته کړې چې ډېره یې وړیا ده.

د اګسټ له میاشتې راهیسې چې طالبان په افغانستان کې واک ته رسیدلي، پر نړیوال بانک سربېره د پیسو نړیوال وجهي صندوق IMF هم د سوونو میلیونه ډالرو مرستې بندې کړي.

پر دې سربېره د افغانستان د مرکزي بانک څه باندې نهه میلیارډه ډالره شتمني هم د امریکا په بانکونو کې کنګل شوې ده.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement