پوسټ کوډ ۲۵۲۳۴۰
نیټه خپرول: دوشنبه ۱۷ لړم ۱۴۰۰ ۱۵:۲۴

د سوداګرۍ خونه: ډېر ژر به د هوایي دهلېزونو له لارې هم سوداګري پیل شي

د افغانستان د سوداګرۍ او پانګونې خونه وايي، په نږدې راتلونکي کې به د هوايي دهلېزونو له لارې هم سوداګري پيل شي.

د دې خونې مرستیال یونس مومند نن دوشنبه (د لړم په ۱۷مه) ازادي راډیو ته وویل، د سوداګرۍ او پانګونې خونې هڅې روانې دي چې د هوايي دهلېزونو له لارې واردات وشي.

ښاغلي مومند په دې اړه کومه کره نېټه ونه‌ښودله چې کله به د هوايي دهلېزونو له لارې واردات پيلېږي، خو ویې‌ویل چې د طالبانو له بیا واکمنېدو سره د هوايي دهلېزونو له لارې هېڅ واردات نه‌دي شوي.

نوموړي دغه‌شان زیاته کړه، د طالبانو له حاکمیت مخکې د افغانستان وچه او تازه مېوه، سبزیجات، طبي ګیاوې، لاسي صنایع، غالۍ او زعفران هند، چین او نورو هېوادونو ته صادرېدل او په بدل کې یې نور د ضرورت وړ توکي افغانستان ته واردېدل.

یوه اوونۍ مخکې هم په لومړي ځل د طالبانو په واکمني کې ځلغوزي د هوايي دهلېز له لارې چین ته صادر شول.

افغانستان په لومړي ځل په ۲۰۱۷ کال کې د هوايي دهلېز له لارې د خپلو توکو صادرات پیل کړل او له هغه وروسته‌یې دا چاره نورو هېوادونو ته هم وغځوله.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement