پوسټ کوډ ۲۵۱۴۹۰
نیټه خپرول: سه شنبه ۴ لړم ۱۴۰۰ ۱۴:۲۱

لا معلومه نه ده چې د سپین بولدک-چمن لاره ولې بېرته بنده شوه؟

یوه ورځ وروسته له دې چې د سپین بولدک او چمن ترمنځ کرښه پرانېستل شوه، پرون دوشنبه (د لړم ۳مه نیټه) زرګونه کسان او موټرونه د دې لارې د بیا بندېدو له کبله منتظر پاتې شول.

دا لار د یکشنبې په ورځ پرانیستل شوه او ژمنه وشوه چې بیا به نه بندېږي.

په وروستیو کې پاکستان د تورخم او سپین بولدک – چمن لارې د مسافرو او باري موټرو پرمخ د څو اوونیو لپاره وتړلې، خو د تورخم دروازه یې تېره چهارشنبه کابل ته د پاکستان د بهرنیو چارو وزیر شاه محمود قریشي له سفر سره هم مهاله پرانیسته.

افغان سوداګر او باغداران وايي چې د پاکستان له لوري د لارو د بندېدو له کبله یې د میلیونونو ډالرو تاوان کړی دی.

څرګنده نه ده چې د سپین بولدک لاره پرون ولې بېرته بنده شوه؟

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement