پوسټ کوډ ۲۴۱۱۲۰
نیټه خپرول: يکشنبه ۲۵ تله ۱۴۰۰ ۰۹:۲۰

د ملګرو ملتونو د خوړو او کرنې اداره: افغانستان مه‌هېروئ او مرستې روانې وساتئ

د ملګرو ملتونو یوه چارواکي له نړیوالو غوښتنه وکړه چې افغانستان هېر نه‌کړي او خپلې بشري مرستې ورسره روانې وساتي.

د افغانستان لپاره د ملګرو ملتونو د خوړو او کرنې ادارې (FAO) مرستیال استازي فابریزیو چیزاریتي (Fabrizio Cesaretti) پرون چې د خوړو نړیواله ورځ وه، له کابله په یوه وېډیويي پیغام کې وویل: "د خوړو په دې نړیواله ورځ مو نړۍ ته پیغام دا دی چې افغانستان مه‌هېروئ. مرستندوی هېوادونه به بیا د G20 په غونډه کې سره راغونډ شي، موږ د دوی د پاملرنې غوښتنه کوو چې اساسي مالي مرستې برابرې کړي، په ځانګړي ډول د کرنې سکټور او د معیشت خوندیتوب لپاره، ځکه راروان کال به په دغه هېواد کې د خوړو خوندیتوب ناوړه وي."

تېره میاشت د ملګرو ملتونو په کوربه‌توب د جنوا په کنفرانس کې له افغانستان سره د څه باندې يو میلیارد ډالرو او تېره سې شنبه د «G20» ډلې په انلاین غونډه کې اروپايي ټولنې له افغانستان سره د څه باندې يو میلیارد یورو بشري مرستو ژمنې وکړې.

تر دې مخکې روانه اوونۍ د کډوالو په چارو کې د ملګرو ملتونو لویې کمېشنرۍ خبرداری ورکړی و که له افغانستان سره په بېړه مرسته ونه‌شي، اقتصاد به‌یې دړې وړې شي او د ژمي له راتګ سره به بشري ناورین رامنځته شي.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement