پوسټ کوډ ۲۴۱۱۱۹
نیټه خپرول: يکشنبه ۲۵ تله ۱۴۰۰ ۰۹:۱۸

ازبکستان ته تللی طالب پلاوی؛ د سوداګرۍ پر پراختیا او لومړنیو مرستو خبرې وشوې

د طالبانو د حکومت چارواکي وايي، په ازبکستان کې یې تللي هیئت د سوداګرۍ پر پراختیا او د ژمي پر مهال له افغانستان سره د لومړنیو توکو د مرستې په باب خبرې وکړې.

د طالبانو د حکومت د تېرې شپې په اعلامیه کې راغلي، د دوی هیئت چې مشري یې د رئیس‌الوزرا مرستیال عبدالسلام حنفي کوله، په روغتیايي سکټور کې د همکارۍ، افغانستان ته د ۵۰۰ کیلو ولټه برېښنا د مزو د غځولو او د مزار شریف او پېښور ترمنځ د رېل‌لارې د غځېدو په اړه بحث وکړ.

د طالبانو د هیئت یوه غړي ضیاالحق حقمل پرون له ازبکستانه تر روانېدو مخکې ملي راډیو ټلوېزیون ته وویل: "د دواړو لورو ترمنځ د صحت، تعلیم، سوداګرۍ، برېښنا او سرحدي ګمرکونو په څېر موضوعاتو باندې خبرې وشوې."

د طالبانو د حکومت په اعلامیه کې راغلي د دواړو لورو ګمارل شوې کاري ډلې به د همکاریو پر دغو موضوعاتو خبرې کوي او په ۱۰ ورځو کې به د لارې یوه نقشه بشپړه او د دواړو لورو ترمنځ به ورباندې موافقه وشي.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement