پوسټ کوډ ۲۴۰۰۸۸
نیټه خپرول: شنبه ۳ تله ۱۴۰۰ ۱۱:۳۹

راپورونه: جلال اباد کې د ۶ تنو وژل شوېو کسانو جسدونه موندل شوي

له جلال اباد څخه د ترلاسه شوېو راپورونو له مخې، په دې ښار کې په تېرو دوو ورځو کې په مرموز ‌ډول د ۶ تنو وژل شوېو کسانو جسدونه موندل شوي دي.

یوې ځايي سرچینې د نوم د نه ښوولو په شرط ازادي راډیو ته وویل چې د جمعې په ورځ د درې تنو مړي په داسې حال کې وموندل شول چې لاسونه یې تړل شوي وو. د دغو کسانو مړي د جلال اباد ښار جنوب ته د هډې فارم په سیمه کې موندل شوي دي.

د سرچینې د معلوماتو له مخې، تر دې یوه ورځ وړاندې هم په همدې سیمه کې په ډزو د درې تنو نورو وژل شوېو کسانو جسدونه موندل شوي وو.

په ننګرهار ولایت کې د طالبانو چارواکو تر اوسه پورې په دې اړه د خبریالانو پوښتنو ته ځواب نه دی ویلی.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement