پوسټ کوډ ۲۴۰۰۴۴
نیټه خپرول: پنج شنبه ۱ تله ۱۴۰۰ ۱۶:۰۰

د قرغزستان د ولسمشر امنیتي مرستیال او څو نور چارواکي کابل ته تللي

د قرغزستان د ولسمشر امنیتي مرستیال طلعت بېګ او څو نور چارواکي نن کابل ته تللي دي.

د طالبانو د حکومت ویاند ذبیح‌الله مجاهد په خپل ټویټر باندې دا خبره کړې ده.

د مجاهد د ټویټر له مخې د قرغزستان د ولسمشر امنیتي مرستیال طلعت بېګ او د بهرنۍ پالېسۍ مشر ژین بېګ نن د طالبانو د بهرنیو چارو له سرپرست وزیر امیر خان متقي سره خبرې کړې دي.

متقي د قرغزستان له مرستو مننه کړې ده او په دوام‌يې ټینګار کړی دی.

د طالبانو ویاند زیاته کړې چې په دې لیدنه کې د هر اړخیزه اړیکو او دوامداره همکاریو ژمنې وشوې.

د منځنۍ اسیا هېوادونه په تېره بیا هغه چې له افغانستان سره ګډې پولې لري د طالبانو د واکمنېدو په اړه اندېښمن وو او ان‌یې د پولې په اوږدو کې د امنیتي ګواښونو د له‌منځه وړلو لپاره لسګونه زره اضافي عسکر ځای پر ځای کړل.

طالبانو بیا ویلي چې د دوی جنګیالي د منځنۍ اسیا هېوادونو ته ګواښ نه‌پېښوي، بلکې د دوی حکومت ښې اړیکې ورسره غواړي.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement