پوسټ کوډ ۲۳۹۹۹۹
نیټه خپرول: چهارشنبه ۳۱ وږی ۱۴۰۰ ۱۶:۱۱

جو بایډن په افغانستان کې د نجونو او ښځو د حقونو پر رعایت کېدو ټینګار وکړ

د امریکا متحده ایالاتو ولسمشر جو بایډن په افغانستان کې د نجونو او ښځو د حقونو پر رعایت کېدو ټینګار وکړ.

ښاغلي بایډن تېره شپه په نیویارک کې د ملګرو ملتونو عمومي اسامبلۍ ته په دې اړه وویل: "امنیت شورا یو پرېکړه‌لیک تصویب کړ چې د افغانانو د پرمختګ لپاره څه ډول ملاتړ وشي. له طالبانو د بشري حقونو په برخه کې څرنګه تمه کېدای شي. موږ ټول باید د ښځو او نجونو د حقونو ملاتړ وکړو څو دوی له اقتصادي سیاسي او اجتماعي پلوه له خپل ټول ځواکه کار واخلي او د خپلو هیلو لار پرته له تعصب او خشونته تعقیب کړي."

افغان ښځې شکایت لري چې طالبانو د افغانستان له نیولو وروسته د دوی پر کار او زده‌کړو بندیزونه لګولي دي.

طالبانو د ښځو چارو وزارت لغوه کړی، په اکثرو دولتي ادارو کې یې له ښځو غوښتي چې تر یوې مودې پورې کار ته حاضرې نه‌شي او تر اوسه پورې یې له شپږم د پورته ټولګیو زده‌کوونکو ته اجازه نه‌ده ورکړې چې ښوونځیو ته لاړې شي.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement