پوسټ کوډ ۲۳۹۱۰۶
نیټه خپرول: پنج شنبه ۱۱ وږی ۱۴۰۰ ۱۰:۲۷

طالبانو اسټرالیا کې د افغانستان د کرکټ لوبډلې د لوبې خبر تایید کړ

طالبانو په اسټرالیا کې د افغانستان د کرکټ د ملي ټیم د لوبې خبر تایید کړ. وروسته تر دې چې دا بنسټ پاله ډله پر کابل واکمنه شوې ده، د دوی له دې هڅې سره دا هیله پيدا شوې ده چې نړیوالې لوبې به د پخوا په څېر روانې وي.

د افغانستان د کرکټ بورډ اجرایيه رییس حمید شینواري فرانس پرېس اژانس ته وویل، اسټرالیا ته یې د کرکټ د ملي لوبډلې د استولو اجازه ترلاسه کړې ده.

ټاکل شوې ده چې د نوومبر له ۲۷مې د ډیسمبر تر لومړۍ نېټې افغان لوبډله له اسټرالیا سره په هوبرټ کې ټېسټ لوبه وکړي.

ټاکل شوې وه چې دا لوبه پروسږکال وشي، خو د کرونا وبا له امله وځنډېده.

طالبانو په خپلې تیرې واکمنۍ کې ګڼې لوبې بندې کړې وې او د اعدام او سنګسار احکام یې هم په لوبغالو کې ترسره کول.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement