پوسټ کوډ ۲۳۷۵۰۱
نیټه خپرول: شنبه ۲ زمری ۱۴۰۰ ۱۰:۴۹

لوړو زده وزارت پوهنتونو کې د زده کړو د پیل په اړه پرېکړه کوي

په پام کې ده چې د لوړو تحصیلاتو وزارت نن د هېواد په پوهنتونونو او د لوړو زده کړو په نورو موسسو کې د حضوري زده کړو د پیل په اړه پرېکړه وکړي.

د لوړو زده کړو وزارت ویاند حمید عبیدي تېر ماښام له ازادي راډیو سره په خبرو کې د لوړو زده کړو د موسسو له محصلانو غوښتنه وکړه چې د پرېکړې به اړه د وزارت رسمي اعلامیې ته سترګې په لاره واوسي.

عبیدي زیاته کړه: "په دې برخه کې د وروستۍ پرېکړې په اړه به د وزارت د مشرتابه په غونډه کې بحث وشي او نتیجه به یې وروسته له رسنیو سره شریکه شي."

په همدې حال کې د افغانستان د پوهنې وزارت اعلان کړی چې هغه ښوونځي چې د کرونا د درېیمې څپې له کبله رخصت شوي وو له نژدې یوې نیمې میاشتې وروسته بیا په تدریجي ډول پرانیستل کېږي.

خو د روغتیا وزارت د کرونا ویروس مثبتو مواردو ته په پام سره د ښوونځیو او پوهنتونونو د بیا پرانیستل کېدو په اړه خبرداری ورکړی.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement