پوسټ کوډ ۲۳۷۳۸۳
نیټه خپرول: دوشنبه ۲۸ چنګاښ ۱۴۰۰ ۱۱:۵۶

انګلستان د کرونا ویروس پر مهال لګول شوي تقریباً ټول محدودیتونه لیرې کړل

انګلستان نن دوشنبه تقریباً ټول هغه محدودیتونه لیرې کړل چې د کرونا ویروس پر مهال لګول شوي وو.

دا محدودیتونه داسې وخت لیرې کېږي چې د کرونا ویروس ژر خپرېدونکې ډلټا بڼه، د ریکارډ تر کچې زیاته شوې ده.

نن سبا په بریتانیا کې د ورځې په اوسط ډول په کرونا ویروس د ۵۰ زره کسانو د اخته کېدو پېښې ثبتېږي چې دا په جنورۍ میاشت کې د کرونا وبا د اوج د مهال په څېر لوړ شمېر دی.

د بریتانیا صدراعظم بورېس جانسون ویلي، د کرونا ویروس د مثبتو پېښو له زیاتوالي سره سره د دې وخت دی چې اقتصادي کار و بارونه بېرته پرانیستل شي، ځکه د ده په وینا د دغه هېواد ۹۰ فیصده بالغو وګړو د کرونا ضد واکسین یوه ستن لګولې او ۶۸ فیصده وګړو د واکسین دواړه ستنې لګولې دي.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement