پوسټ کوډ ۲۳۷۳۲۲
نیټه خپرول: يکشنبه ۲۷ چنګاښ ۱۴۰۰ ۱۱:۱۷

غني: بګرام اډه کې د میلیاردونو ډالرو په ارزښت تجهیزات پاتې دي

د افغانستان ولسمشر وایي، بګرام هوایي اډه کې د میلیاردونو ډالرو په ارزښت امکانات او تجهیزات پاتې دي.

محمد اشرف غني پرون د کابینې غونډې ته وویل، یوازې د دې اډې سل بستریز روغتون دومره وسایل لري چې سیمه کې ممکن بې ساری وي.

نوموړي ټینګار وکړ چې حکومت یې اوس د دې اډې د راتلونکو اقتصادي او ټولنیزو ګټو لپاره طرحې جوړوي: "دا میدان درې میلیارده ډالره ارزښت لري، درې میلیارده ډالرې پانګونه پرې شوې ده، د زېرمو او نورو اړخو له مخې ممکن د میدان دننه لسګونه میلیارده ډالره پانګونه شوې وي. اوس دا میدان په مطلق ډول د افغانستان د امنیتي او دفاعي ځواکونو په کنټرول کې دی."

بګرام د کابل په شمال کې د امریکایي او ناټو ځواکونو تر ټولو ستره اډه وه، خو دا ځواکونه له نژدې شل کلن حضور وروسته څه باندې دوه اونۍ مخکې په بشپړ ډول ترې ووتل.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement