پوسټ کوډ ۲۳۷۳۱۷
نیټه خپرول: يکشنبه ۲۷ چنګاښ ۱۴۰۰ ۱۰:۱۵

دفاع وزارت: طالبانو د مالستان ولسوالۍ ودانۍ په بمونو الوزولې

افغان چارواکي وايي، وسله والو طالبانو د غزني ولایت د مالستان ولسوالۍ ودانۍ له نیول کېدو وروسته په بمونو الوزولې ده.

د ملي دفاع وزارت مرستیال ویاند فواد امان د شنبې په ورځ د (چنګاښ ۲۶مه) دغه خبره پر خپله فیسبوک پاڼه لیکلې ده.

 

ښاغلي امان وړاندې لیکلي دي چې دغه ودانۍ په بشپړه توګه له منځه تللې ده.

د غزني سیمه ییز چارواکو تر اوسه پورې په دې اړه څه نه دي ویلي، خو وسله وال طالبان بیا د فواد امان دا خبره ردوي.

د دغې ډلې ویاند ذبیح الله مجاهد ازادي راډیو ته وویل، د ولسوالۍ مرکز ته څېرمه ماینونه ځای پرځای شوي وو، هغوی به چاودنې کړې وي.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement