پوسټ کوډ ۲۳۶۵۷۳
نیټه خپرول: شنبه ۱۲ چنګاښ ۱۴۰۰ ۱۶:۱۴

افغانستان کې تازه ۱۲۷۲ تنه کرونا نیولي، ۹۲ تنه نور مړه شوي

د افغانستان روغتیا وزارت په تیرو ۲۴ ساعتونو کې د هیواد په بېلابېلو ولایتونو کې د کرونا ویروس د۱۲۷۲ مثبتو پېښو ثبتېدو خبر ورکړی دی.

روغتیا وزارت نن شنبه جولای دریمه (چنګاښ ۱۲) ویلي چې په تیرو ۲۴ ساعتونو کې د کرونا ویروس د ۴۶۷۰ سمپلونو معاینات کړي چې۱۲۷۲ یې مثبت و.

د افغاستان روغتیا وزارت وزارت همدارنګه ویلي چې په تیره شپه او ورځ کې په یو شمېر ولایتونو کې له کرونا ویروس څخه۹۲ ناروغان هم مړه شوي دي.

د رسمي شمېرو له مخې په دې سره په افغانستان کې دکرونا ویروس د ټولو مثبتو پېښو شمېر ۱۲۴۷۵۷ او له دغه ویروس څخه د ټولو مړو شوو کسانو شمېر ۵۱۹۹ ته ورسېد.

په تیره شپه او ورځ کې له کرونا ویروس څخه ۵۳۹ناروغان بیرته روغ شوي دي چې په دې سره هم د ټولو بیرته روغ شوو کسانو شمېر ۷۳۲۹۳ تنه پورته شوو.

کرونا ویروس د لومړي ځل لپاره د ۲۰۱۹ کال په ډسمبر میاشت کې د چین د هوبي ایالت په ووهان ښار کې پیدا شو.

د امریکا د جانس هپګینز پوهنتون د معلوماتو په اساس تر دا مهاله په نړۍ کې څه باند ې۱۸۳ میلیون او ۱۲۴زره کسان کرونا نیولي او څه باندې درې میلیون ۶۹۴زره نور کسان ورڅخه مړه شوي دي.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement