ایران کې د بس اوښتو پېښه؛ ۲ خبریالان مړه شوي ۲۱ ټپیان دي

د اېرنا په وینا، بس کې ۲۵ خبریالان وو او له تهرانه، د ایران لوېدیځ اذربایجان ایالت ته د بیارغاونې یوې پروژې لیدو ته روان ول.

لا نه ده معلومه چې بس څرنګه اوښتی دی؟

چارواکو ویلي مړه شوي خبریالان، د  مشهېد کریمي او ریحانه یاسیني په نامه دي.

د چارواکو په وینا، ژوبل شوي خبریالان روغتون ته رسول شوي.

د شمېرو پر بنسټ ایران کې ټرافیکي پېښو کې هر کال لږ تر لږه ۱۷۰۰۰ کسان مړه کېږي.