پوسټ کوډ ۲۳۵۹۳۴
نیټه خپرول: دوشنبه ۳۱ غبرګولی ۱۴۰۰ ۱۰:۴۴

هالنډ میشتي افغانان: پاکستان دې نور افغانستان کې جګړه بس کړي

د هالنډ په مرکز کې یو شمېر مهاجر افغانان د لاریون په ډول راټول شوي او افغانستان کې یې د جګړې پر ضد شعارونه ورکوي.

په ټولینزو رسنیو کې لاس په لاس شوې ویډیو ښيي، چې هالنډ میشتي افغانان په هېواد کې روانه جګړه د ایران او پاکستان نیابتي جګړه بولي او له نړیوالو غواړي، چې نور دې د افغانستان وضیعت ته جدي پاملرنه وکړي.

دوی پر پاکستان نیوکې کوي، چې طالبان روزي، پټنځایونه ورکوي او هره ورځ یې افغانستان ته د جګړې لپاره لیږي.

لاریون کوونکو له ځان سره په راوړیو بنرونو لیکلي، چې افغانستان د پاکستان د نیابتي جګړې قرباني دی او نړیوال باید په دې برخه کې خپله اوږده چوپتیا ماته کړي؛ ګني دوی به تر هغې خپلو لاریونونو ته دوام ورکړي، ترڅو، چې د افغانستان د مسئلې په تړاو ټولو هېوادونو اقدام نه وي کړی.

باید یاده شي، چې دا لومړی ځل نه دی، چې بهر میشتي افغانان هېواد د وضیعت په اړه لاریونونه کوي؛ بلکې تر دې وړاندې هم امریکا کې د سپینې ماڼۍ مخې ته افغانان راټول شوي وو او له یاد حکومت یې د افغانستان د روان وضیعت د حل غوښتنه کوله.

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement