پوسټ کوډ ۲۳۵۶۲۲
نیټه خپرول: دوشنبه ۲۴ غبرګولی ۱۴۰۰ ۱۴:۴۱

اردغان: له وېرې پرته د کابل هوايي ډګر د ساتلو مسؤلیت اخلو

له افغانستان څخه د بهرنیو سرتېرو له وتلو وروسته ترکیه اماده ده، چې د کابل نړیوال هوايي ډګر د امنیت ساتلو لپاره خپل سرتیري واستوي.

د ترکیې ولسمشر رجب طیب اردغان ویلي، چې له کومې وېرې پرته افغانستان ته د کابل نړیوال هوايي ډګر د ساتلو لپاره خپل سرتیري استوي.

نوموړي بروکسل ته له تګ وړاندې په انقره کې خبریالانو ته ویلي، چې ترکیه کولای شي، چې یاد ماموریت په بریالي ډول ترسره کړي او په همدې تړاو یې د امریکا له ولسمشر جوبایډن سره هم خبرې شوې دي.

اردغان یادې څرګندونې داسې مهال کوي، چې څه موده وړاندې طالبانو ویلي وو، چې افغانستان کې به د هیڅ بهرني سرتېرې شتون ونه مني او که چېرې ترکيي عسکر افغانستان ته راشي؛ نو دوی به یې پر وړاندې جګړه وکړي.

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement