پوسټ کوډ ۲۳۵۵۱۷
نیټه خپرول: شنبه ۲۲ غبرګولی ۱۴۰۰ ۱۶:۱۷

د کرونا د مخنیوي لپاره د چین د روغتیایي توکو مرسته کابل ته راورسېده

له چین څخه د کرونا ناورغي اووه سوه زره ډوزه واکسین او یو شمېر طبي وسایل کابل ته رارسیدلي دي.

په چین کې د افغانستان سفیر جاوید قایم وايي، چې د پنځه زره میلیونو ډالرو په ارزښت طبي توکي کابل ته رسیدلي دي.

د نوموړي د معلوماتو له مخې، چې په یادو ۱۵ طبي قلمي توکو کې، وېنټلاټور، مونېټور، د زړه ماشین او داسې نور مواد شامل دي.

دغه راز له چین څخه د کرونا اووه سوه زره ډوزه واکسین له یادو توکو سره تېر ماښام  د اریانا افغان هوايي شرکت له لارې کابل ته رارسېدلی دی.

په ورته وخت کې ولسمشر محمد اشرف غني نن د کرونا په تړاو په چهار چنار ماڼۍ کې په جوړه شوې غونډې کې؛ له افغانستان سره د کرونا واکسین په برخه کې د چین له ډالۍ مننه کړې ده.

نوموړي پر چین غږ کړی، چې یاد هېواد دې له افغانستان سره د کرونا وبا پر وړاندې د مبارزې او د تلپاتې سولې په برخې کې خپله همکاري نه ستنوي.

ولسمشر له خلکو غوښتي، چې د کرونا د مهار کولو په موخه دې خپلو کورونو کې پاتې شي او صحي تدابیر دې جدي په پام کې ونیسي.

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement