پوسټ کوډ ۲۳۵۴۵۷
نیټه خپرول: پنج شنبه ۲۰ غبرګولی ۱۴۰۰ ۱۵:۳۴

د تخار د چاه اب ولسوالۍ ځینې برخې بېرته افغان ځواکونو نیولي – دفاع وزارت

د افغانستان د دفاع وزارت وايي چې افغان ځواکونو پهتخار ولایت د چاه اب د مرکز په ګډون د دغې ولسوالۍ پراخې سیمې بېرته نیولي دي.

دغه وزارت د پنجشنبې په ورځ د جون ۱۰ (غبرګولي ۲۰) په یوې اعلاميې کې ویلي چې افغان ځواکونو د هوايي قواو په ملاتړ تېره ورځ د تخار په چاه اب ولسوالۍ کې عملیات پیل کړي دي.

په اعلامیه کې راغلي: "په دغو عملیاتو کې نن د امنیه قومانداني، بازار او نورې پراخې سیمې د دښمن له شتون څخه پاکې شوي دي... او اوس هم د دغې ولسوالۍ په څنډو کې چاڼیز عملیات په شدت سره دوام لري".

د افغانستان د دفاع وزارت ویلي چې په دغو عملیاتو کې ۱۸ طالبان وژل شوي او ۲۱ نور ټپیان دي، خو دغه وزارت افغان امنیتي او دفاعي ځواکونو ته د اوښتې مرګ‌ژوبلې په اړه څه نه دي ویلي.

د افغانستان امنیتي او دفاعي ځواکونو څو ورځې وړاندې د ملکيانو د مرګ‌ژوبلې د مخنیوي لپاره له د تخار ولایت له چاه اب ولسوالۍ څخه تکتیکي شاتګ کړی و.

د افغانستان دفاع وزارت ډاډ ورکړی چې چې د چاه ولسوالۍ ټولې برخې به د طالبانو له شتون څخه پاکې کړي او له همدې امله په دغې ولسوالۍ کې پوځي عملیاتو ته دوام ورکوي.

وسله‌والو طالبانو تراوسه په دې اړه څه نه دي ویلي.

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement