پوسټ کوډ ۲۳۵۰۲۴
نیټه خپرول: سه شنبه ۱۱ غبرګولی ۱۴۰۰ ۱۰:۳۹

امریکا د بګرام اډه افغان سرتېرو ته سپاري

ټاکل شوې، چې امریکايي ځواکونه به راتلونکو دوه اونیو کې خپله تر ټولو مهمه نظامي اډه«بګرام» افغان ځواکونو ته وسپاري.

د راپورونو له مخې د یادې نظامي اډې د سپارلو چارې له تېرې دوشنبې ورځ پیل شوې، چې په راتلونکو  ورځو کې به په بشپړ ډول افغان ځواکونو ته وسپارل شي.
دغه راز ملي دفاع وزارت هم د یادې نظامي اډې د سپارلو د پیل چارې تاییدوي او زیاته کړې یې ده، چې امریکا د یادې نظامي اډې تجهیزات، چې میلیونونه ډالره ارزښت لري افغان ځواکونو ته سپاري.
په یاده نظامي اډه کې د راکټ ضد دفاعي سیستم به هم افغان امنیتي سرتېرو ته وسپارل شي.
بګرام نظامي اډه په تېرو شلو کلونو کې د سیمې په کچه د امریکا تر ټولو  غټه او مهمه اډه وه، چې خپل ټول مهم عملیاتو به یې له یادې اډې تنظیمول.
باید یاده شي، چې له افغانستان څخه د امریکايي سرتېرو د وتلو پروسه تېره میلادي میاشت پیل شوې او تر اوسه یې ځينې مهمې اډې هم افغان امنیتي سرتېرو ته له نظامي تجهیزاتو سره یوځای سپارلې دي.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement