پوسټ کوډ ۲۳۴۹۳۹
نیټه خپرول: يکشنبه ۹ غبرګولی ۱۴۰۰ ۱۰:۵۹

امریکا د افغانستان نظامي بودیجه کې ۳۰۰ میلیونه ډېروالی راوستی

د امریکايي سرتېرو له وتلو سره سم امریکا د راتلونکي کال لپاره د افغانستان نظامي بودیجه ۳۰۰ میلیونه ډالره لوړه کړې ده.

د امریکايي رسنیو د راپورونو له مخې، د بایډن ادارې ټولټال ۷۱۵ میلیارډه ډالر دفاعي بودیجه وړاندېز کړې، چې ۳،۳ میلیارد ډالر یې د افغانستان لپاره ځانکړې شوي دي.
سرچینه کاږي، چې د تېرو کلونو په پرتله د افغانستان نظامي بودیجه کې ۳۰۰ میلیونه ډالر لوړ والی راغلی دی.
دوی زیاتوي، چې د امریکايي سرتېرو وتلو سره سم باید دفاعي تشې افغان ځواکونو ډکې کړي؛ تر څو وکولای شي په سمه توګه د ترهګرو پر وړاندې وجنګیږي.
دغه راز د امریکا د بهرنیو چارو وزارت هم ویلي، چې افغانستان سره به نورو بشري مرستو ته هم دوام ورکړي.
باید یاده شي، چې تر دې وړاندې هم امریکا خبر ورکړی وو، چې افغان ځواکونو ته به په بهرنیو هېوادونو کې د زده کړو زمینه برابره کړي.

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement