پوسټ کوډ ۲۳۳۹۵۳
نیټه خپرول: شنبه ۱۸ غویی ۱۴۰۰ ۱۰:۱۳

اروپايي ټولنه: طالبان د ملکي تلفاتو اصلي عاملین دي

طالبان باید پر دې پوه شي، چې د جګړې له لارې واک ته نه شي رسیدلی؛ نو باید خپل پسرلني عملیات ودروي.

د اروپایي ټولنې غړو هېوادونو او امریکا د یوې خبرپاڼې په خپرولو سره پر طالبانو غږ کړی، چې د تاوتریخوالي کچه دې نه لوړي او د سولې خبرې دې چټکې کړي.

یادو هېوادونو د یوې شل مادیزې طرحې په خپرولو سره افغانستان کې د روانې جګړه او ملکي وګړو ته د اوښتو تلفاتو اصلي عاملین يې طالبان ګڼلي او له دوی یې غوښتي، چې خپل عملیات دې ودروي.

یادونو هېوادونو ویلي، چې طالبان دې د افغان سولې پرمختګونه له ننګونو سره نه مخ کوي؛ بلکې دې ته دې چمتو شي، چې روانه جګړه پای ومومي.

د یاودنې وړ ده، چې طالبانو په دې وروستیو کې پر ملکي وګړو خپلو بریدونو ته زور ورکړی او دوی ته یې سخت مالي او ځاني زیان اړولی دی.

که څه هم افغان ځواکونه هره ورځ د طالبانو د ملکي وګړو په عمومي لارو کې ځای پر ځای شوي ماینونه کشف او شنډ کړي؛ خو یادې ډلې یوازې روانه میاشت کې ۶۰۰ ملکي وګړو ته مرګ ژوبله اړولې ده.

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement