پوسټ کوډ ۲۲۳۹۹۸
نیټه خپرول: دوشنبه ۱۳ غویی ۱۴۰۰ ۱۶:۳۴

ایران د افغانستان له اوسني وضعیته اندېښمن شوی

د ایران د بهرنیو چارو وزارت ویاند سعید خطیب زاده نن (دوشنبه د غویی ۱۳) په افغانستان کې روانو بدلونونو او د بهرنیو سرتېرو د وتلو په اړه ویلي: مونږ په افغانستان کې رامنځته شوي بدلونونه له نږدې څارو او له سیمه ییزو کره کتونکیو سره پرې مشورې کوو؛ خو په اړه یې اندېښنه هم لرو.

نوموړي زیاته کړې: په افغانستان کې د سولې، ثبات او امنیت لپاره به مونږ د دې هېواد د راتلونکي ثبات لپاره خپلې ټولې هڅې ونه سپموو.

خطیب زاده د افغانستان له مرکزي حکومت او نورو ډلو سره د ایران نږدې اړیکو ته په نغوته(اشاره) کې ویلي: مونږ له افغان حکومت سره په تماس کې یو او نورو ډلو ته مو هم ډاډ ورکړی، چې مونږ له حکومت سره د طالبانو خبرو ته لاره اوارولی شو. مونږ هیله من یو، چې  وضعیت به په راتلونکي کې له ثباته برخمن وي.

نوموړي د افغانستان په اړه د استانبول په ناسته کې د ایران د احتمالي ګډون په اړه ویلي: د استانبول په ناسته کې برخه اخیستل یوه داسې مسله ده، چې موږ به یې په اړه په راتلونکي کې څرګندونې ولرو.

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement