پوسټ کوډ ۲۲۳۹۲۳
نیټه خپرول: يکشنبه ۱۲ غویی ۱۴۰۰ ۱۴:۴۳

عبدالله: افغان سیاسي مشران باید د سولې خبرو کې متحد شي

د افغانستان د ملي مصالحې عالي شورا رئیس ډاکتر عبدالله عبدالله وايي، افغان سیاسي مشران باید د سولې مذاکراتو څخه د ملاتړ په هدف له طالبانو سره د سولې خبرو کې متحد شي او یادې د نړیوالو ځواکونو تر وتلو وروسته د یوې «ترخې» جګړې په تمه شي.

نوموړي تیره ورځ مۍ ۱(غويي ۱۱) له اسوشېټيډ پریس اژانس سره مرکه ویلي چې اوس د دې وخت رسېدلی چې افغان سیاسیون د سولې خبرو کې متحد شي.

هغه د ګواښ په ډول ویلي که چیرې د سولې بهیر څخه د ملاتړ په هدف د افغان سیاسیونو یووالي رامنځته نشي په وینا یې تاریخ او له وضعیت څخه نا هیلې شوې میلیونونه خلک به یې په اړه په سختۍ سره قضاوت وکړي.

عبدالله عبدالله همدارنګه ویلي چې له افغانستان څخه د نړیوالو ځواکونو وتل به له ځان سره ستونزې ولري،خو نوموړي ټینګار کړی چې ټول پام باید د سولې ټینګېدو ته وشي.

هغه پر سولې تمرکز د افغان حکومت او مقابل لوري (طالبانو) په ګټه بللی دی.

نوموړي یو ځل بیا ویلي چې وسله وال طالبان باید خپلې غوښتنې د سولې د خبرو پر مېز مطرح کړي او په وینا یې موږ (افغان حکومت) یې په اړه بحث کولو ته چمتو دی.

د افغانستان د ملي مصالحې عالي شورا مشر عبدالله عبدالله زیاته کړې چې وسله وال طالبان د جګړې له لارې نشي بریالي کېدای او په وینا یې د سیمې هیوادونه یې د زور له لارې واک ته د رسېدو ملاتړ هم نه کوي.

عبدالله ویلي: "یو پراخ او هر اړخیز سوله ییز توافق هغه څه دی چې ټول ورباندې باور لري...خدای مه کړه که چیري سولې ته ونه رسیږو، البته هیڅ چا د هیواد وروستی تاریخ نه دی هیر کړی."

دا په داسې حال کې ده چې تیره ورځ د مۍ اوله له افغانستان څخه د نړیوالو ځواکونو د وتلو بهیر رسماً پيل شو.

عبدالله عبدالله پر داسې مهال د افغان سولې لپاره د سیاسیونو پر یووالي ټینګار کوي چې ولسمشر محمد اشرف غني د سولې په اړه د ملي او سیاسي اجماع د پیاوړتیا او سولې ته د رسېدو په موخه نن په ارګ کې له استاد حاجي محمد محقق، سیاسي او جهادي مشر حاجي دین محمد او ملي سوداګر محمد اسماعیل غضنفر سره کتلي دي.

ارګ وايي، په دغو کتنو کې جمهور رئیس غني د دوی سلا مشورې واورېدې او د سولې په پروسه کې د راتلونکو ګامونو په اړه یې ورسره خبرې وکړې.

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement