پوسټ کوډ ۲۲۲۹۹۱
نیټه خپرول: پنج شنبه ۲۶ وری ۱۴۰۰ ۱۵:۴۹

افغانستان کې تازه د کرونا ۷۸ مثبتې پېښې ثبت شوي، دوه تنه مړه شوي

د کروناویروس د شمیرو په اړه د افغانستان د عامې روغتیا وزارت تازه راپور ښيي چې په تیرو ۲۴ ساعتونو کې د دغه هېواد په ۱۴ ولایتونو کې د کروناویروس ۷۸ تازه مثبتې پېښې ثبت شوې دي.

دغه وزارت همداشان ویلي چې په دې موده کې په کروناویروس دوه اخته ناروغان مړه شوي دي.

د روغتیا وزارت د معلوماتو په اساس د تازه مثبتو پېښو له شمېرې ۲۶ یې په لغمان، ۱۴ په کابل او ۱۳ یې په ننګرهار کې ثبت شوې دي.

په دې سره په افغانستان کې په کروناویروس د ټولو اخته شویو کسانو شمېر ۵۷زره او ۶۱۰ ته پورته شوی دی.

همداشان د روغتیا وزارت ویلي چې تراوسه په افغانستان کې په مجموعي ډول دوه زره او ۵۳۵ کسان له دغې ناروغۍ څخه مړه شوي دي او څه باندې ۵۲زره کسان بېرته روغ شوي دي.

د کروناویروس د لومړي ځل لپاره د ۲۰۱۹ په ډسمبر کې د چین د هوبي ایالت په ووهان ښار کې پیدا او په چټکۍ سره ټولې نړۍ ته ورسېد.

د امریکا د جانس هاپکینز پوهنتون د معلوماتو په اساس تراوسه په نړۍ کې څه باندې ۱۳۸میلیونه او ۳۰۲ تنه په کروناویروس اخته شوي چې له دې شمېرې کابو دوه میلیونه او ۹۷۴زره کسان مړه شوي دي.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement