پوسټ کوډ 222449
نیټه خپرول: سه شنبه 17 وری 140010:52

د اوبو مدیریت؛ هېواد کې ۴۴ لوی بندونه جوړيږي

د اوبو چارو تنظیم ملي اداره وايي، چې په هېواد کې به د اوبو د لا ښه مدیریت لپاره ۴۴ نور لوی بندونه جوړ شي.

د یادې ادارې ویاند نظام الدین خپلواک ویلي، چې د هېواد په ۲۱ ولایتونو کې به د اوبو د مدیریت لپاره ۴۴ بندونه جوړ شي، چې په دې سره به د هېواد د اوبو ډېره برخه کنټرول او خلک به د ځان بسیاینې لور ته لاړ شي.

نوموړي ویلي، چې یاد بندونه به پکتیا، زابل، پکتیکا، ارزګان، غزني، میدان وردګ، ننګرهار، فاریاب، غور، بادغیس، کونړ، نورستان، پروان او یو شمېر نورو ولایتونو کې جوړ شي.

د خپلواک په خبره راتلونکې میاشت کې به د یادو بندونو د جوړولو تړونونه لاسلیک شي، چې ټول به پرې ۶۰۰ ميلیونه ډالره لګښت راشي.

باید یاده شي، چې اوس مهال په هېواد کې د ۱۳ بندونو د جوړولو چارې روانې دي، چې ځینې به یې په نږدې راتلونکي کې ګټې اخیستنې ته وسپارل شي.

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement