پوسټ کوډ ۲۲۲۱۰۱
نیټه خپرول: چهارشنبه ۱۱ وری ۱۴۰۰ ۱۱:۰۱

طالبانو په خوست کې د ائتلافي ځواکونو پر اډه توغندیز بریدونه کړي

د خوست ولایتي ځواکونو د رسنيو دفتر ویلي؛ طالبانو د سې شنبې پر ورځ د دې ولایت د ګډو ائتلافي ځواکونو پر اډه توغندي توغولي؛ خو توغول شوي توغندي د استوګنې پر کورونو لګېدلي دي.

د خوست ولایتي ځواکونو ویلي، چې طالبانو د دوی اډه پر توغندیو ویشتې، چې په کې بهرني ځواکونه هم پراته دي.

 

سرچینې دا هم په ډاګه کړې؛ دغه توغندیز برید د دوحې له ژمنې ښکاره سرغړونه ده او ښیي، چې طالبان سولې ته ژمن ندي.

 

د دوحې تړون، چې د تېرکال په فبرورۍ کې د امریکا او طالبانو ترمنځ لاسلیک شوی؛ ټینګار کوي، چې طالبان په هېواد کې پر میشتو بهرنیو ځواکونو له هیڅ برید څخه هم ډډه نکوي.

 

طالب ویاند ذبیح الله مجاهد منلې، چې تېره ورځ یې د خوست ښار په پخواني هوایي ډګر کې د میشتو ضربتي ځواکونو پر اډه توغندیز بریدونه کړي دي.

 

نوموړي زیاته کړې، چې توغندي پر اړوند اډې لګېدلي؛ درانده ځاني او مالي زیانونه وراوښتي دي.

 

د یادونې ده، چې د طالبانو د دغه برید په اړه ائتلافي ځواکونو تر دې دمه څه ندي ویلي.

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement