پوسټ کوډ 220906
نیټه خپرول: شنبه 16 کب 139916:07

هلمند کې موټر بمب چاودنې د ملي امنیت د څارنوالۍ رئیس وژلی

د هلمند ولایت د ملي امنیت د نظامي څارنوالۍ رئیس سید محمود سادات په موټر بم چاودنه کې وژل شوی دی.

د افغانستان د لویې څارنوالۍ ویاند جمشید رسولي په نننۍ چاودنه کې د نوموړي وژل کېدل تائید کړي دي.

چاودنه نن سهار څه باندي ۹ بجې په لښکرګاه ښار کې د لومړی امنیتي حوزې اړوند له ژر شېشک سره شوې ده.

د هلمند د والي ویاند عمر ځواک په لښکرګاه ښار کې د موټر بم چاودنې ېښه تائیده وي او زیاتوي چې په پېښه کې ملکي خلکو ته مرګ ژوبله اوښتې ده، کره شمېر یې یاد نه کړ.

د افغانستان لویې څارنوالۍ په یوې اعلامیې کې د هلمند ولایت د کورني او بهرني امنیت پر ضد جرایمو د مبارزې څارنوالۍ پر رئیس سید محمود اغا سادات موټر بم چاودنه غندلې او د هغه د وژل کېدو په اړه خواشیني ښودلې ده.

لویه څارنوالي وایي چې سید محمود اغا سادات تر لسو کالو زیات د لویې څارنوالۍ اړوند په بېلابېلو ولایتونو کې دنده تر سره کړې وه.

د هلمند یوه امنیتي مقام د نوم نه ښودلو په شرط امریکا غږ ته وويل چې د ملي امنیت د څارنوالۍ رئیس سید محمود اغا سادات له خپل کور څخه د دندې پر لور د تګ په حال کې وو چې د سپرلۍ پر موټر یې د موټر بم چاودنه شوې.

سرچینې وويل: "په پېښه کې سید محمود سادات او دهغه ۲ ساتونکي وژل شوي او ځيني نور ملکي کسان ټپیان شوي."

بلي خواته په لښکرګاه ښار کې د بېړنیو طبي مرستو د رسولو یا ایمرجنسي روغتون له لوري د پېښي د وروړل شویو قربانیانو ليست خپور کړی چې پکښې د یوې مېرمني په ګډون ۸ تنه ملکي کسان پکښي ټپي ښودل شوي او ۲ تنه نور چې هویت يې ندی یاد شوی وژل شوي ښودل شوي.

د یادې چاودنې مسؤلیت وسله والو طالبانو منلی دی.

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement