د ننګرهار ۱۲ خصوصي طبي انسټیټیونه عدلي او قضایي ارګانونو ته وپېژندل شول

د دې ولایت د رسنیو له دفتره په نن خپره شوې خبرپاڼه کې راغلي، چې دغه انسټیټیونه د والي ضیاالحق امرخېل له خوا د ګمارل شوي پلاوي د راپور پر بنسټ د یو مکتوب په وسیله پېژندل شوي دي.

خبرپاڼه زیاتوي، ننګرهار والي هیله ښودلې چې یاد ارګانونه به یاده قضیه په جدي ډول وڅېړي. «د پلاوي د څېړنو او هغه کسانو له لورې چې د بې عدالتۍ پر وړاندې یې غږ پورته کړ، مننه کوي او هیله یې وښوده چې عدلي او قضایي ارګانونه به یاده قضیه په جدي ډول وڅېړي.»