پوسټ کوډ 220332
نیټه خپرول: سه شنبه 5 کب 139910:00

افغانستان کې د کرونا واکسین پلي کولو لړۍ نن پیل شوه

افغانستان کې د کرونا واکسین پلي کولو لړۍ نن (سه شنبه، ۵ د کب) د روغتیایي او رسنیو کارکوونکو او امنیتي او دفاعي ځواکونو ته په ورکولو پیل شوه.

په همدې اړه جوړو شویو مراسمو کې چې د حکومت لوړپوړو چارواکو، د هند سفارت استازو، د ملي شورا استازو او د روغتیا وزارت چارواکو ګډون کړی و، دغه لړۍ په عملي توګه پیل شوه.

د کرونا واکسین دغه جوپه چې ۵۰۰ زره دوزه دی، څه موده وړاندې هند هېواد له افغانستان سره مرسته کړې وه.

 

په دې غونډه کې د هېواد عامې روغتیا وزارت چارسمبالي وزیر وحید مجروح وویل، افغانستان له هغو محدودو هېوادونو دی چې د کرونا واکسین پلي کولو لړۍ پیلوي. ښاغلي مجروح په خپلو خبرو کې وویل چې دغه لړۍ به لومړی د امنیتي او دفاعي ځواکونو او د روغتیا او رسنۍ کارکوونکو ته په تطبیق پیل شي.

 

په دې غونډه کې چې کابل کې د هند هېواد سفیر رودرندرا تاندون هم ګډون کړی و په خپلو خبرو کې وویل، کرونا ویروس له دویم نړیوال جنګ وروسته نړیوال سیسټم ډېر زیانمن کړ.

د ده په وینا که څه هم دغه ویروس هند له اقتصادي رکود سره مخ او له خلکو یې ورته قرباني واخیسته، خو په وینا یې دغه هېواد اوس د کرونا واکسین یو له لویو تولیدوونکو هېوادونو دی چې یوازې له نورو هېوادونو سره یې ۲۳ میلیونه دوزه واکسین مرسته کړې.

د هند سفیر وویل، دوی به له افغانستان سره به له نږدې کار او د دې ویروس پر وړاندې به په ګډه مبارزه وکړي.

په دې غونډه کې ولسمشر محمد اشرف غني په خپلو خبرو کې وویل، افغانستان یو له هغو محدودو هېوادونو دی چې دغه واکسین یې ترلاسه او پلی کوي. د ده په وینا، تر اوسه ۱۷۲ هېوادونو دغه واکسین نه دی ترلاسه کړی خو د افغان حکومت د سم مدیریت له امله افغانستان دغه واکسین ترلاسه کړ.

هغه له هند هېواده مننه وکړه او ویې ویل چې د هند دا مرسته د دواړو هېوادونو د ښو اړیکو ښکارندویي کوي.

 

ښاغلي غني په خپلو خبرو کې کرونا ویروس سره د حکومت مبارزې برخه کې وویل چې له لومړۍ تر دویمې څپې پورې یې تر ۴۰ غونډې کړي او په همدې موده کې یې تر ۹۰ سلنه خلکو ته د ملي دسترخوان له لارې خواړه رسولي چې د ده په وینا، دا د هېواد په تاریخ کې کمسارې مرسته ده.

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement