پوسټ کوډ ۲۲۰۳۰۱
نیټه خپرول: دوشنبه ۴ کب ۱۳۹۹ ۱۵:۳۴

امنیتي ځواکونو په ننګرهار کې د هیرویینو لویه کارخونه ویجاړه کړه

دفاع وزارت څرګنده کړې؛ د ننګرهار ولایت په شېرزاد ولسوالۍ کې د ملي اردو ځواکونو د دې ولسوالۍ پر توتو کلي ځانګړي عملیات تر سره کړي او سلګونه طالبانو ته یې مرګ و ژوبله اړولې ده.

د سرچینې په خبرپاڼه کې راغلي: یاد کلی د طالبانو له شتون پاک شوی او د هیرویینو یوه لویه کارخونه یې ، چې عایداتي سرچینه یې وه؛ ویجاړه شوې او دغه راز زر بورۍ چرس هم سوځول شوي دي.

دفاع وزارت دا هم په ډاګه کړې؛ په دغو عملیاتو کې ۱۵۰ طالبانو ته مرګ و ژوبله اوښتې او څه باندې ۱۲۰ کړۍ ماینونه یې کشف او خنثی شوي دي.

طالبانو تر دې دمه پدې اړه څه ندي ویلي.

دا په داسې حال کې ده، چې په دوحه کې د طالبانو او حکومت تر منځ د سولې پیل شوې خپلمنځي خبرې پر ټپه درېدلي؛ تاوتریخوالی ډېر شوی او له امریکا سره د سولې هوکړه هم تر بیاکتنې لاندې ده.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement