پوسټ کوډ 219462
نیټه خپرول: يکشنبه 19 سلواغه 139914:39

د هند لخوا د کرونا واکسین مرستې لومړۍ جوپه کابل ته ورسېده

له افغانستان سره د هند لخوا د کرونا واکسین مرستې لومړۍ جوپه نن یکشنبه فبرورۍ اوومه (سلواغې ۱۹) کابل ته ورسېدله.

د هند د بهرنیو چارو وزیر سوبر همنیام جیشنکر پر خپل ټویټر لیکلي چې هند تل د خپلو ملګرو تر څنګ ولاړ دی.

د کرونا ویروس دغه واکسین د هندوستان لخوا جوړ شوی دی چې نن یې لومړۍ جوپه افغانستان ته ورسېدله.

د افغانستان د روغتیا وزارت سرپرست ډاکتر وحید مجروح له افغانستان سره د کرونا مرستې برخه کې د هند له هیواد څخه مننه وکړه او زیاته یې کړه چې یاد واکسین به په ټولو ولایتونو کې په عادلانه ډول تقسیم شي.

په دغه جوپه کې د کرونا واکسین۵۰۰زره ډوزه شتون لري چې ۲۵۰زره کسان به ورباندې واکسین شي.

دا په داسې حال کې ده چې افغانستان کې تر دا مهاله ۵۵۳۵۹ تنه په کرونا ویروس اخته شوي او ۲۴۱۳ تنه ورڅخه مړه شوي دي.

د افغانستان د روغتیا وزارت د معلوماتو په اساس تر دا مهاله ۴۸۰۴۱ تنه بیرته کرونا ویروس څخه جوړ شوي دي.

کرونا ویروس د لومړي ځل لپاره په ۲۰۱۹ کال کې د چین د هوبي ایالت په ووهان ښار کې پیدا شو او وروسته نورې نړۍ ته هم پراخ شو.

د امریکا د جانس هپګینز پوهنتون د معلوماتو په اساس تر دا مهاله په نړۍ کې څه باندې ۱۰۰ میلیون کسان په کرونا ویروس اخته شوي او څه باندې دوه میلیونه کسان ورڅخه مړه شوي دي.

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement