ایا د سولې مذاکراتي پلاوي د جوبایډن دریځ ته په تمه دي؟

د حکومت مذاکراتي پلاوی وایي، چې د سولې د بهیر ځنډ له افغان ولس څخه انتقام اخلي؛ چې په دې هکله دوی خپل مسؤولیت ادا کړی او خپل وړاندېزونه یې مقابل لوري ته ورکړي، چې د ځواب په تمه یې دي.
بل پلو په دوحه کې د طالبانو د دفتر ویاند ډاکتر نعیم بیا وایي، چې مقابل لوري یې تر اوسه د اجنډا لپاره خپل موضوعات ندي ورسپارلي. 

د یادې موضوع په اړه بیا شنونکي په دې باور دي، چې د سولې د مذاکراتو له دې پڅ بهیر څخه ښکاري، چې دواړه لوري د امریکا نوي دریځ ته په تمه دي چې له امله یې دا بهیر ورو روان دی.