پوسټ کوډ 218338
نیټه خپرول: سه شنبه 30 مرغومی 139916:26

جرمني په افغانستان کې له داخلي بې ځایه شوو کورنیو سره مرسته کوي

جرمني له تېر ۳ کلونو را په دېخوا په افغانستان کې د جګړې له کبله د بې ‌ځايه شويو کورنيو د وضعيت په اړه اندېښنه ښودلې او ويلي يې دي، چې د يادو کورنيو د بیرته ځای پر ځای کولو په موخه يې له افغانستان سره د مرستې او همکاري پرېکړه کړې.

په کابل کې د جرمني سفارت د ياد مطلب په خپرولو سره ويلي، چې ډير تمرکز به یې د بې ‌ځايه شويو کورنيو لپاره پر لومړنيو مرستو وي، چې د استوګنځيو جوړول، د څښاک اوبو رسول او روغتيايي خدمتونو ته لاسرسی پکې شامل دي.
جرمني وايي، چې روان تاوتريخوالي د عامو افغانانو ژوند زيانمن کړی او له همدې کبله دا مهال تر ۲ ميليونه افغانان ځان ته د سرپنا پيدا کولو په لټه کې دي. دې هېواد ټينګار کړی، چې ياد شمېر افغانان بايد د سرپنا ټول امکانات ولري او په دې برخه کې له افغان دولت سره دغه تازه مرستې هم د بې‌ ځايه شويو افغانانو د بېرته ځای پرځای کولو پروسې د اسانتیا په موخه کوي.
په مطلب کې نه دي ویل شوي، چې د بې ‌ځايه شويو افغانانو د بېرته ځای پرځای کولو پروسې لپاره يې څومره بوديجه ځانګړې کړې؛ خو زياته کړې يې ده چې دا کار به د کډوالو او بېرته راستنېدونکو چارو له وزارت سره په ګډه او همغږۍ ترسره کړي.
له دې مخکې هم جرمني هېواد له افغانستان سره په بېلا بېلو برخو کې مرستې کړې دي.

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement