پوسټ کوډ 205996
نیټه خپرول: پنج شنبه 13 لیندۍ 139913:36

پمپیو: تمه ده چې دوحه کې مذاکراتي لوري اوس پر اوربند هوکړه وکړي

د امریکا بهرنیو چارو وزیر مایک پمپیو د افغان حکومت او وسله‌الو طالبانو مرکچي پلاويو له لوري په مذاکراتو کې د وروستي پرمختګ هر کلی کړی او هيله يې څرګنده کړې چې اوس دې دواړه غاړې په سراسري اوربند هم هوکړه وکړي.

د امریکا بهرنیو چارو وزارت په دې اړه خپره کړې خبرپاڼه کې ویلي، امریکا د افغان حکومت او طالب استازو ترمنځ په مذاکراتو کې د لا ډېر پرمختګ غوښتونکې ده او تمه لري چې دواړه لوري ژر تر ژره پر دایمي اوربند او د تاوتریخوالي پر کمولو هوکړې ته ورسېږي.

په خبرپاڼه کې په دې اړه زياته شوې: «قطر کې د افغانستان حکومت او د طالبانو استازو ترمنځ مذاکرات باید په افغانستان کې د جګړو کمېدو او دایمي اوربند سبب شي.»

د امریکا بهرنیو چارو وزير دا څرګندونې داسې مهال دي چې د افغان حکومت او وسله‌والو طالبانو ترمنځ په دوحه کې د بین‌الافغاني خبرو تر پیل څو میاشتې وروسته دواړو لوریو پرون چهارشنبه خبر ورکړ چې د بین الافغاني خبرو پر کړنلارې هوکړې ته رسېدلي دي. د افغان حکومت او طالبانو د استازیو ترمنځ  دا پرېکړه په کور دننه او بهر له هرکلي سره مخ شوې ده.

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement