د طالبانو په بریدونو کې ۱۳۴ عام وګړي وژل شوي – کورنیو چارو وزارت

نوموړي زیاته کړې؛ #طالبانو د هدفي وژنو لپاره ۱۰۰ کسان ګومارلي وه، چې ۵۰ ترې نیول شوي دي.

#طارق_آرین زیاته کړې، چې د کندهار په وروستي جنګ کې  د طالبانو په ګډون ۱۱۰۰ پاکستانیانو ګډون کړی و، چې په کې ۱۵۲ پاکستانیان له افغان ځواکونو سره په جګړه کې وژل شوي دي.

نوموړي زیاته کړې؛ په کندهار کې د نښتو پر مهال په قطر کې د طالبانو د سیاسي دفتر غړی هم وژل شوی؛ خو په اړه یې جزئیات وړاندې نکړل.

هغه دغه راز ویلي؛  چې ۵۶۰ خوشې شوي بندیان بېرته د جګړې ډګرونو ته ستانه شوي دي.

وسلوالو طالبانو تر دې دمه رسنیو ته په دې اړه څه ندي ویلي.

آرین د پوهنتونونو او روزنیزو مرکزونو د امنیت په اړه ویلي، چې د عامه امن و نظم پولیس د دغو مرکزونو په همکارۍ د امنیت خوندي کولو ته چمتو دي.