پوسټ کوډ ۲۰۴۸۶۹
نیټه خپرول: يکشنبه ۲۵ لړم ۱۳۹۹ ۱۵:۱۳

د کابل هوايي ډګر کې د هوايي کنټرول پرمختللې ودانۍ جوړیږي‎

د افغانستان د ملکي هوايي چلند اداره وايي چې کابل کې د حامد کرزي بین المللي هوايي ډګر د هوايي ټرافیکو د ودانۍ د جوړولو تړون لاسلیک شو.

د یادې ادارې چارواکي وايي چې دغه پروژه ۱۹ میلیونه امریکايي ډالر ارزښت لري چې د جاپان حکومت له خوا یې مالي ملاتړ کیږي.

د ملکي هوايي چلند ادارې ویاند محمد نعیم صالحي نن یکشنبه (لړم۲۵، نومبر۱۵) امریکا غږ ته وویل: "تړون نن لاسلیک شو. پروژې کې د هوايي ټرافیک (کنترول ټاور) لپاره د ۴۵ مترو دنګه ودانۍ او نورې اسانتیاوې شاملې دي."

صالحي زیاته کړه چې د یادې پروژې کار به په ۳۶ میاشتو کې پای ته ورسیږي.

د افغانستان د ملکي هوايي چلند ادارې معلوماتو پر بنسټ ټولې نړېوالې الوتنې او هغه الوتکې چې د افغانستان د فضايي حریم نه کار اخلي له همدې ودانیو په واسطه به کنټرولیږي.

افغانستان کې اوس مهال لږ تر لږه څلور نړیوال ملکي هوايي ډګرونه فعالیت کوي.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement