پوسټ کوډ 204844
نیټه خپرول: يکشنبه 25 لړم 139911:24

افغان حکومت د پاکستاني چارواکو ادعاوې رد کړې

د افغانستان د بهرنیو چارو وزارت د پاکستان پر ضد د افغانستان د خاورې کارولو په اړه د پاکستاني چارواکو وروستۍ ادعاوې رد کړي او هغه یې بې اساسه بللي دي.

د پاکستان د پوځ ویاند جنرال بابر افتخار تېره ورځ د دغه هیواد د بهرنیو چارو له وزیر سره یو ګډ خبري کنفرانس کې ادعا وکړه چې په افغانستان کې مېشت د هند ډیپلوماټیکي نمایندګۍ د پاکستان ضد ډلو ملاتړ کوي.

د افغانستان د بهرنیو چارو وزارت نن یکشنبه نومبر۱۵(لړم۲۵) دې اړه اعلامیې کې ویلي چې هیڅ کله به اجازه ورنه کړل شي چې د افغانستان خاوره د نورو هیوادونو پر ضد وکارول شي.

په اعلامیه کې ویل شوي:"د افغانستان اسلامي جمهوریت په صراحت سره اعلان کوي چې د تروریزم د یو قرباني په توګه په ټوله نړۍ کې د هر رنګه تروریزم پر وړاندې د مبارزې سیاست ته ژمن دی، او هیڅ کله به اجازه ورنه کړل شي چې د افغانستان خاوره د نورو هیوادونو پر ضد وکارول شي."

یاد وزارت د پاکستاني چارواکو هغه ادعاوې هم رد کړي چې ګواکې د ننګرهار ولایت یو قومي مشر ملک (فریدون خان) مهمند یې د پېښور د زارعت پر پوهنتون برید کې لاس لرلو تورن کړی و.

په اعلامیه کې راغلي چې افغانستان به په سیمه کې د تروریزم پر ضد ګډې مبارزې او د تروریستانو د تمویل او پناه ورکولو په اړه خپلو نړیوالو هڅو ته هم دوام ورکړي.

کابل ویلي چې د اسلام اباد ادوعاوې دي د ملګرو ملتونو امنیت شورا یو باصلاحیت پلاوي لخوا وڅېړل شي.

د پاکستان د پوځ ویاند پر داسې مهال دا څرګندونې کړي چې ټاکل شوې په نژدې ورځو کې د دغه هیواد صدراعظم عمران خان هم کابل ته سفر وکړي.

د افغانستان د بهرنیو چارو وزارت ویلي په داسې حال کې چې عمران خان کابل ته سفر کوي پکار نه وه چې اسلام اباد ورته څرګندونې کړي وای.

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement