د هرات د برېښنا رياست وايي، د نامعلومو کسانو له لوري په دغه ولايت کې د برېښنا يوه پايه نړول شوې او پر هرات ښار د ايران وارداتي برېښنا پرې شوې ده.

د هرات برېښنا رياست له لوري په خپره شوې خبرپاڼه کې راغلي چې دغه پايه د تلې مياشتې په ۳۰مه د هرات ولايت غوريان ولسوالۍ د کلاته غازي کلي کې د نامعلومو کسانو له لوري په ماينونو الوزول شوې ده.
د دغه رياست په خبره، د دې پايې په نړېدو سره د هرات ۵۰ سلنه ښاريان له برېښنا بې‌برخې شوې دي.
د هرات برېښنا رياست وايي، پايې ته جدي زيان اوښتی او هڅه کوي ژر تر ژره سيمې ته خپل تخنيکي ټيم ولېږي تر څو يې بېرته ورغوي.

ستاسو نظر

مربوطه لیکنې

تازه ترین خبرونه